લાલ કસુંબલ આંખડી, તારી પાઘડીએ પાણી,

લાલ કસુંબલ આંખડી,

તારી પાઘડીએ પાણી,

તને પરથમ અર્પણ કરું,

મારા શાયર મેઘાણી.

ધન ધન કાઠિયાવાડ,

ધન ધન તારું નામ,

પાકે જ્યાં નરબંકડા,

ને રૂપ પદમણી નાર.

સુંદર ભોમ સોરઠ તણી,

જ્યાં નિર્મળ વહેતાં નીર,

જ્યાં જાહલ જેવી બેનડી

અને નવઘણ જેવો વીર.

સોરઠ મીઠી રાગણી,

રાગ મીઠો મલ્હાર,

રણમાં મીઠી વીરડી,

જંગ મીઠી તલવાર.

શિયાળે સોરઠ ભલો,

ઉનાળે ગુજરાત,

ચોમાસે વાગડ ભલો,

કચ્છડો બારે માસ.

અમારી ધરતી સોરઠદેશની

ઊંચો ગઢ ગિરનાર,

સાવજડાં સેંજળ પીએ,

એનાં નમણાં નર ને નાર

કાઠિયાવાડમાં કોક દિ, ભૂલો પડ ભગવાન

,તું થા મારો મહેમાન, તને સરગ ભુલાવું શામળા

ઊંચો ગઢ ગિરનાર, વાદળથી વાતું કરે,મરતા રાખેંગાર,

ખેરડી, ખાંગો નવ થયો.કાઠિયાવાડની કામિની,

હળકતી માથે હેલ,ભરી બજારે નીકળે, ઢળકતી જાણે ઢેલ.