તમોને ભેટ ધરવા ભર જવાની લઇને આવ્યો છું.....

તમોને ભેટ ધરવા ભર જવાની લઇને આવ્યો છું.
મજા લાંબી અને રાતો મજાની લઇને આવ્યો છું.
કહો તો રોઇ દેખાડું , કહો તો ગાઇ દેખાડું.
નજરમાં બેઉ શક્તિઓ હું છાની લઇને આવ્યો છું.

અમે ધારી નહોતી એવી અણધારી કરી લીધી;
અજાણી આંખડીએ ચોટ ગોઝારી કરી લીધી...
ઘડીઓ આ જુદાઇની અને તે પણ જવાનીમાં?

અમે આ પણ સહન તલવાર બેધારી કરી લીધી...
મને કંઇ વાત તો કરવી હતી અલગારી મન મારા,
વળી કોના થકી તેં પ્રીત પરબારી કરી લીધી !...
કસુંબલ આંખડીના આ કસબની વાત શી કરવી ?ક
લેજું કોતરી નાજુક મીનાકારી કરી લીધી...