ભલે અલ્પ છે મારી પાસે, સહેજ તો આપીશ ને

ભલે અલ્પ છે મારી પાસે, સહેજ તો આપીશ ને
જા, લઇ જા એક ટુકડો, કે આ આકાશ મારું છે.
હા કહે તો લખી દઉં મહેક પર નામ તારું,
જો પેલાં પુષ્પો ખીલ્યાં છે, હા એ ઉપવન મારું છે.
લે બસ કરી દીધાં દરેક જામ મેં તારે નામ,
આંખોમાં દરીયો છલકે છે ને આ પાણી મારું છે.
રેતનાં દરેક કણમાં તારી યાદ ભરી દઉં,
કે દુનીયાના દરેક રણ પર નામ મારું છે.
બે શક પ્હોંચીશ તું કહે ત્યાં, હું તો છું પ્રણય
પવનની લહેરખી પર લખ્યું છે એ નામ મારું છે