મારી ગાગર ઉતારો તો જાણું કે રાજ, તમે ઊંચક્યો ’તો પ્હાડને !હું તો ઘરે ઘરે જઇને વખાણું કે રાજ, તમે ઊંચક્યો ’તો પ્હાડને !
આખો દી વાંસળીને હાથમાં રમાડો કહાન ! એમાં શા હોય ઝાઝા વેતા ?કાંટાળી કેડી પર ગાગર લઇને અમે આવતાં, જતાં ને સ્મિત દેતાં.હું તો વ્હેતી જમુનાને અહીં આણું :મારી ગાગર ઉતારો તો જાણું, કે રાજ, તમે ઊંચક્યો ’તો પ્હાડને !
ડચકારા દઇને દઇને ગાયો ચરાવવી ને છાંય મહીં ખાઇ લેવો પોરો.ચપટીમાં આવું તો કામ કરી નાખે અહીં નાનકડો ગોકુળનો છોરો.ફરી ફરી નહીં આવે ટાણું :મારી ગાગર ઉતારો તો જાણું, કે રાજ, તમે ઊંચક્યો ’તો પ્હાડને !
Subscribe to:
Post Comments (Atom)
Posts
No comments:
Post a Comment